सभासदाचे निधन झाल्यास, संस्थेच्या खाती नोंद असलेल्या सभासदाच्या कायदेशीर वारसदारास संस्थेतर्फे रुपये १ लाख सेवा सहकार निधी अंतर्गत मदत देण्यात येते. याकरिता सभासदांना आवाहन करण्यात येते की, त्यांनी वारसदाराची नोंद संस्थेच्या दफ्तरी करावी.

सभासदांच्या मानसिक दृष्ट्या विकलांग असलेल्या पाल्यांच्या पालनपोषणास मदत व्हावी या उद्देशाने दरमहा रुपये ५००/- इतकी आर्थिक मदत परस्पर सभासदाच्या बँक खात्यात जमा करण्यात येते.

बेस्ट उपक्रमाकडून सभासदांची नामंजूर करण्यात आलेल्या वैद्यकीय बिलांचा परतावा त्यांच्या आजाराचे स्वरूप लक्षात घेऊन जास्तीत जास्त रुपये ५०००/- इतकी मदत संस्थेतर्फे करण्यात येते.

बेस्ट उपक्रमात सेवेत असताना जे सभासद कर्करोग आजाराने पिडीत होतात, अशा सभासदांच्या बँक खात्यात जास्तीत जास्त रुपये २५,०००/- एवढी रक्कम संस्थेतर्फे जमा करण्यात येते.

संस्थेतर्फे दरवर्षी दहावी / बारावी / पदवी / पदविका परीक्षेत विशेष प्राविण्य मिळविलेल्या सभासदांच्या गुणवंत पाल्यांचा भेटवस्तू व प्रशस्तीपत्र देऊन गौरव करण्यात येतो.

संस्थेतर्फे दरवर्षी सभासदांना नवीन वर्षाची दिनदर्शिका / दैनंदिनी वाटप करण्यात येते.

संस्थेतर्फे सभासद व त्यांच्या कुटुंबियांकरीता अल्प दरात ग्रुप मेडिक्लेम सुविधा सुरु करण्यात आलेली आहे.

बेस्ट उपक्रमात सेवेत असताना कोव्हीड-१९ या आजाराने सभासदाचे निधन झाल्यास सभासदाच्या कायदेशीर वारसास रुपये १ लाखाची कोव्हीड-१९ अंर्तगत मदत देण्यात येते.

एका अपत्यानंतर ज्याचे वय ४० च्या आत आहे, अशा सभासदाने स्वत: कुटुंब नियोजन शस्त्रक्रिया केल्यास संस्थेच्या नियमानुसार रू.५०००/- चे राष्ट्रीय बचत प्रमाणपत्र भेट स्वरूपात देण्यात येते.

बेस्ट उपक्रमातून सेवानिवृत्त झालेल्या आणि संस्थेचे किमान दहा वर्ष किंवा अधिक सभासदत्व पूर्ण केलेल्या सभासदांना, संस्थेशी असलेले ऋणानुबंध कायम राहावेत या उद्देशाने संस्थेतर्फे रुपये ५०००/- एवढी रक्कम सेवा निवृत्त सभासद भेट योजने अंतर्गत देण्यात येते.